Syair Kinanthi Gatutkoco Gandrung

~ Balung pakel duh mbok gunung

teja bengkok nginum warih

sn puwung rabiya kadang

dadi lok-ing wong sabumi

rejasa kang mimba warna

sun temah dadiya krami

Giwanging surya mbok gunung

teki geng kang pindha wlingi

tan gumingsir prapteng pejah

mung sira kang condhonging budi

peksi reng mangsa kunarpa

sun dhandhang dadiya krami

Sulung enjang dhuh mbok gunung

pustaka pinudyan krami

ngur matiya raganingwang

lamun tan bisa karonsih

ancur kaca dhuh bandara

kang dadi rasaning ati

Bokor siti dhuh mbok gunung

agawe cuwaning ati

cirak arga munggwing wana

krawitan selehing gendhing

durung tutug jejagongan

kasusu tinundung mulih

Surya muka dhuh mbok gunung

pepatih ing Mahespati

kalaning ingsun tumingal

marang wandanira yayi

suwasa tanpa kencana

lir kena sumbaga dhesti

Tambang palwa dhuh mbok gunung

kuskus gantung saupami

yen suh sawang warnanira

sasolahe ndhungkar ati

pambabare sekar pucang

agawe gonjanging ati

Puspa lesah dhuh mbok gunung

putrendra wanara Bali

katgateng tyas sruning brongta

prapteng papa sun lakoni

sawang kudhinipun baita

mung ketang sira wong manis ~ 

~